ჩვენ, საქართველოს მოქალაქენი, რომელთა ურყევი ნებაა, დავამკვიდროთ დემოკრატიული საზოგადოებრივი წესწყობილება, ეკონომიკური თავისუფლება, სოციალური და სამართლებრივი სახელმწიფო, უზრუნველვყოთ ადამიანის საყოველთაოდ აღიარებული უფლებანი და თავისუფლებანი, განვამტკიცოთ სახელმწიფოებრივი დამოუკიდებლობა და სხვა ხალხებთან მშვიდობიანი ურთიერთობა, ქართველი ერის მრავალსაუკუნოვანი სახელმწიფოებრიობის ტრადიციებსა და საქართველოს 1921 წლის კონსტიტუციის ისტორიულ-სამართლებრივ მემკვიდრეობაზე დაყრდნობით ღვთისა დაქვეყნის წინაშე ვაცხადებთ ამ კონსტიტუციას.
საქართველოს კონსტიტუცია
აუდიო ფაილი
საქართველოს კონსტიტუცია სახელმწიფოს უზენაესი კანონია. ყველა სხვა სამართლებრივი აქტი უნდა შეესაბამებოდეს კონსტიტუციას.
სსიპ კონსტიტუციონალიზმის კვლევისა და ხელშეწყობის რეგიონალური ცენტრი და საქართველოს ახალგაზრდა კონსტიტუციონალისტთა ასოციაცი
მემორანდუმი მიზნად ისახავს: სათანადო პირობებში კონსტიტუციურ-სამართლებრივი თემატიკის ფარგლებში ტრეინინგების, კონფერენციების და სამუშაო შეხვედრების უზრუნველყოფას; საქართველოს კანონმდებლობით დადგენილი წესით მომზადებული კანონის პროექტის განხილვაში საქართველოს კანონმდებლობით დადგენილი წესით მონაწილეობის მიღებას; საჭიროების შემთხვევაში კონსტიტუციურ ღონისძიებებში მონაწილეობის მიღებას; სამეცნიერო კვლევების განხორციელებას და კვლევების შედეგების გათვალისწინებით წინადადებების მომზადებას კანონმდებლობის სრულყოფის მიზნით; კონსტიტუციური პრინციპების პოპულარიზაციას; კონსტიტუციური თემატიკის ასახვას კონსტიტუციონალიზმის ცენტრის მიერ ორგანიზებულ რესპულიკურ ოლიმპიადებში და კონსტიტუციონალიზმის საზაფხულო სკოლის პროგრამებში.
