|
კონსტიტუციონალიზმის დარბაზი
კონსტიტუციონალიზმის კვლევისა და ხელშეწყობის რეგიონალური ცენტრის წინაშე არსებული საგანმანათლებლო მნიშვნელობის ამოცანათა გადაწყვეტის მიზნით, დაფუძნდა კონსტიტუციონალიზმის დარბაზი. საზოგადოებისათვის კონსტიტუციონალიზმის იდეის, გამოცდილების გაცნობისა და გაზიარების მიზნით დარბაზში წარმოდგენილია მსოფლიო კონსტიტუციონალიზმის განვითარების ამსახველი ექსპოზიცია, კერძოდ, საზღვარგარეთის ქვეყნების ორმოცამდე სახელმწიფოს მოქმედი და წინა პერიოდის კონსტიტუციები, კონსტიტუციური აქტები, სამართლის ძეგლები.
საქართველო, აზერბაიჯანის რესპუბლიკა, სომხეთის რესპუბლიკა, თურქეთის რესპუბლიკა, უკრაინა, რუსეთის ფედერაცია, ლიტვის რესპუბლიკა, ლატვიის რესპუბლიკა, მოლდოვის რესპუბლიკა, იტალიის რესპუბლიკა, გერმანიის ფედერაციული რესპუბლიკა, საფრანგეთის რესპუბლიკა, ჩეხეთის რესპუბლიკა, უნგრეთის რესპუბლიკა, ესპანეთის სამეფო, შვედეთის სამეფო, შვეიცარიის კონფედერაცია, დიდი ბრიტანეთისა და ჩრდილოეთ ირლანდიის გაერთიანებული სამეფო, ირლანდიის რესპუბლიკა, დანიის სამეფო, ნიდერლანდის სამეფო, საბერძნეთის რესპუბლიკა, ფინეთის რესპუბლიკა, სლოვაკეთის რესპუბლიკა, სლოვენიის რესპუბლიკა, პოლონეთის რესპუბლიკა, ისრაელის სახელმწიფო, ამერიკის შეერთებული შტატები, მექსიკის შეერთებული შტატები, ბრაზილიის ფედერაციული რესპუბლიკა, ანდორის სამთავრო ირანის ისლამური რესპუბლიკა, ქუვეითის სახელმწიფო , ჩინეთის სახალხო რესპუბლიკა, კატარი, იაპონია, ინდოეთის რესპუბლიკა, იორდანიის ჰაშემიტური სამეფო, ავსტრალიის კავშირი.
კონსტიტუციონალიზმის დარბაზში განსაკუთრებული ადგილი უკავია სამხრეთ კავკასიის რეგიონისა და კონსტიტუციური განვითარების ხანგრძლივი ისტორიის მქონე ქვეყნებში კონსტიტუციური პროცესების მიმდინარეობის ამსახველ ექსპოზიციას. ძირითადად, სწორედ კონსტიტუციონალიზმის დარბაზში ხორციელდება კონსტიტუციციონალიზმის კვლევისა და ხელშეწყობის რეგიონალური ცენტრის საგანმანათლებლო პროექტები. აქვე იმართება შეხვედრები საზოგადოების სხვადასხვა ჯგუფების წარმომადგენლებთან. კონსტიტუციონალიზმის დარბაზის დათვალიერება და ინფორმაციის მიღება შეუძლია ნებისმიერ დაინტერესებულ პირს.
კონსტიტუციონალიზმის დარბაზი
|
|
