ჩვენ, საქართველოს მოქალაქენი, რომელთა ურყევი ნებაა, დავამკვიდროთ დემოკრატიული საზოგადოებრივი წესწყობილება, ეკონომიკური თავისუფლება, სოციალური და სამართლებრივი სახელმწიფო, უზრუნველვყოთ ადამიანის საყოველთაოდ აღიარებული უფლებანი და თავისუფლებანი, განვამტკიცოთ სახელმწიფოებრივი დამოუკიდებლობა და სხვა ხალხებთან მშვიდობიანი ურთიერთობა, ქართველი ერის მრავალსაუკუნოვანი სახელმწიფოებრიობის ტრადიციებსა და საქართველოს 1921 წლის კონსტიტუციის ისტორიულ-სამართლებრივ მემკვიდრეობაზე დაყრდნობით ღვთისა დაქვეყნის წინაშე ვაცხადებთ ამ კონსტიტუციას.
საქართველოს კონსტიტუცია
აუდიო ფაილი
საქართველოს კონსტიტუცია სახელმწიფოს უზენაესი კანონია. ყველა სხვა სამართლებრივი აქტი უნდა შეესაბამებოდეს კონსტიტუციას.
საქართველოს კონსტიტუციონალიზმის კვლევისა და ხელშეწყობის რეგიონალური ცენტრი, გერმანიის საერთაშორისო თანამშრომლობის საზოგადოება (GIZ)-ის ფინანსური მხარდაჭერით, ახორციელებს პროექტს, რომელიც მოიცავს საქართველოს 2010 წლის 15 ოქტომბრის კონსტიტუციური კანონის ,,საქართველოს კონსტიტუციაში ცვლილებებისა და დამატებების შეტანის შესახებ“ საქართველოს კანონმდებლობაში ასახვის ხელშეწყობას. აღნიშნული პროექტის ფარგლებში დამუშავდა და საკანონმდებლო წინადადებების სახით წარმოგიდგენთ საქართველოს კონსტიტუციის ამჟამად მოქმედი რედაქციის 21-ე, 29-ე, 37-ე, 42-ე, 49-ე, 51 1-ე, 56-ე, 60-ე, 61-ე, 63-ე, 65-ე, 67-ე, 68-ე, 70-ე, 88-ე, 95-ე, 96-ე მუხლებიდან და საქართველოს კონსტიტუციის ასამოქმედებელი რედაქციის 61-ე, 63-ე, 65-ე, 75-ე, 94-ე მუხლებიდან გამომდიანრე შესაბამის ცვლილებებს. აღნიშნული კონსტიტუციური რეფორმით გათვალისწინებული სხვა ცვლილებების შესაბამისი პაკეტი წარმოდგენილ იქნება უახლოეს მომავალში.
