ჩვენ, საქართველოს მოქალაქენი, რომელთა ურყევი ნებაა, დავამკვიდროთ დემოკრატიული საზოგადოებრივი წესწყობილება, ეკონომიკური თავისუფლება, სოციალური და სამართლებრივი სახელმწიფო, უზრუნველვყოთ ადამიანის საყოველთაოდ აღიარებული უფლებანი და თავისუფლებანი, განვამტკიცოთ სახელმწიფოებრივი დამოუკიდებლობა და სხვა ხალხებთან მშვიდობიანი ურთიერთობა, ქართველი ერის მრავალსაუკუნოვანი სახელმწიფოებრიობის ტრადიციებსა და საქართველოს 1921 წლის კონსტიტუციის ისტორიულ-სამართლებრივ მემკვიდრეობაზე დაყრდნობით ღვთისა დაქვეყნის წინაშე ვაცხადებთ ამ კონსტიტუციას.
საქართველოს კონსტიტუცია
აუდიო ფაილი
საქართველოს კონსტიტუცია სახელმწიფოს უზენაესი კანონია. ყველა სხვა სამართლებრივი აქტი უნდა შეესაბამებოდეს კონსტიტუციას.
სსიპ კონსტიტუციონალიზმის კვლევისა და ხელშეწყობის რეგიონალური ცენტრი და საქართველოს ადვოკატთა პროფესიული განვითარების ცენტრი
მემორანდუმი მიზნად ისახავს: ხელმომწერმა მხარეებმა ერთობლივად შეისწავლონ საადვოკატო ეთიკის მსოფლიოში არსებული მოწინავე სტანდარტები და ხელი შეუწყონ საქართველოში არსებული ნორმების ამ სტანდარტებთან მიახლოვებას; მოამზადონ ზოგადად სასამართლო ხელისუფლებისა და სახელდობრ ადვოკატურის სრულყოფის საკანონმდებლო წინადადებები; განახორციელონ კანონმდებლობისა და სასამართლო პრაქტიკის მეცნიერული კვლევები და შესაბამისი რეკომენდაციები გადასცენ კომპეტენტურ ორგანოებს, ადვოკატის ნდობისა და პრესტიჟის ამაღლების მიზნით ერთობლივად განახორციელონ შეხვედრები მოსახლეობასთან და სახელმწიფო ორგანოებთან, განახორციელონ მასობრივი ინფორმაციის საშუალებებით განმარტებითი ღონისძიებები; გამოიყენონ გამოცდილ ადვოკატთა შესაძლებლობები ,,კონსტიტუციონალიზმის ცენტრის” ამოცანების განხორციელებაში. ორგანიზაციების თანამშრომლობის მიზანია ადვოკატთა განათლებისა და პროფესიული განვითარების ხელშეწყობა.
