სასწავლო-შემეცნებითი ვიდეოფილმი ,,კანონთა კანონი”

ფილმი მომზადდა სსიპ კონსტიტუციონალიზმის კვლევისა და ხელშეწყობის რეგიონალური ცენტრის ბაზაზე, ფილმის ლიტერატურულ სცენარს საფუძვლად დაედო ივ. ჯავახიშვილის სახელობის თბილისის სახელმწიფო უნივერსიტეტის  სრული პროფესორის, სამართლის დოქტორის, იურიდიული ფაკულტეტის დეკანის მოადგილის გიორგი კვერენჩხილაძის ტექსტი.

პროექტის მიზანი:
 
•მსოფლიოში კონსტიტუციონალიზმის განვითარების ამსახველი, სასწავლო-შემეცნებითი
 ფილმის წარმოება და ჩვენება, საგანმანათლებლო პროექტში ,,კონსტიტუციონალიზმის
 გაკვეთილები” მონაწილე მოსწავლეებისათვის;
•პროექტში ,,კონსტიტუციონალიზმის გაკვეთილები” მონაწილე მოსწავლეებისათვის, მსოფლიოს
 სხვადასხვა ქვეყნებში კონსტიტუციური პროცესის მიმდინარეობის შესახებ ინფორმაციის მიწოდება, მარტივ, მათთვის გასაგებ ენაზე, შესაბამისი აუდიო და ვიზუალური მასალის თანხლებით.

პროექტის აღწერილობა:
 
ფილმი, ქრონომეტრაჟით 35 წუთი, მაყურებელს უამბობს საქართველოსა და საზღვარგარეთის ქვეყნებში კონსტიტუციონალიზმის განვითარების ისტორიის შესახებ.  განსაკუთრებული ადგილი ეთმობა კონსტიტუციური განვითარების ხანგრძლივი ისტორიის მქონე ქვეყნებში კონსტიტუციური პროცესების მიმდინარეობის ასახვას.
კონსტიტუციონალიზმის დარბაზის დათვალიერებასთან, თემატური ტესტების შევსებასა და იმიტირებულ სასამართლო პროცესში მონაწილეობასთან ერთად, სასწავლო-შემეცნებითი ფილმის ,,კანონთა კანონის” ჩვენება საგანმანათლებლო პროექტის ,,კონსტიტუციონალიზმის გაკვეთილები” აუცილებელი კომპონენტია.