|
მომზადდა დასკვნა - აჭარის ავტონომიური რესპუბლიკის ტელევიზიის სტატუსთან დაკავშირებით
საზოგადოებრივი ინტერესიდან გამომდინარე, 2011 წლის აპრილში, კონსტიტუციონალიზმის კვლევისა და ხელშეწყობის რეგიონალურ ცენტრს მიმართა არასამთავრობო ორგანიზაციამ ,,დემოკრატიის ინსტიტუტმა’’ აჭარის ტელევიზიის სტატუსთან დაკავშირებით შესაბამისი საექსპერტო დასკვნების მომზადების თხოვნით.
საკითხის შესწავლის მიზნით, კონსტიტუციონალიზმის კვლევისა და ხელშეწყობის რეგიონალური ცენტრის მიერ შეიქმნა ექსპერტთა ჯგუფი, რომელსაც ეთხოვა აჭარის ტელევიზიის სტატუსთან დაკავშირებული სამართლებრივი დასკვნების მომზადება. ექსპერტების ( პროფესორი იაკობ ფუტკარაძე, ლიკა საჯაია, ასლან ჭანიძე) მიერ მომზადებული დასკვნების საფუძველზე, საკითხის განხილვის მიზნით, ქ. ბათუმში, ცენტრის ორგანიზებით გაიმართა რამდენიმე შეხვედრა რომელშიც მონაწილეობას ღებულობდნენ არასამთავრობო ორგანიზაციებისა და აკადემიური წრეების წარმომადგენლები. საჯარო დისკუსიის შედეგად მომზადებული სამართლებრივი დასკვნები გაეგზავნა დემოკრატიის ინსტიტუტს. განხორციელებულმა კვლევამ კონსტიტუციონალიზმის კვლევისა და ხელშეწყობის რეგიონალურ ცენტრს შესაძლებლობა მისცა მოემზადებინა კონკრეტული საკანონმდებლო წინადადებები აჭარის ტელევიზიის სტატუსის შემდგომი განსაზღვრის მიზნით.
აღნიშნულიდან გამომდინარე, საქართველოს პარლამენტის რეგლამენტის 150-ე მუხლის და კონსტიტუციონალიზმის კვლევისა და ხელშეწყობის რეგიონალური ცენტრის დებულების შესაბამისად წარდგენილ იქნა საკანონმდებლო წინადადებები აჭარის ავტონომიური რსპუბლიკის ტელევიზიის სტატუსთან დაკავშირებით.
პ რ ო ე ქ ტ ი
|
|
