ჩვენ, საქართველოს მოქალაქენი, რომელთა ურყევი ნებაა, დავამკვიდროთ დემოკრატიული საზოგადოებრივი წესწყობილება, ეკონომიკური თავისუფლება, სოციალური და სამართლებრივი სახელმწიფო, უზრუნველვყოთ ადამიანის საყოველთაოდ აღიარებული უფლებანი და თავისუფლებანი, განვამტკიცოთ სახელმწიფოებრივი დამოუკიდებლობა და სხვა ხალხებთან მშვიდობიანი ურთიერთობა, ქართველი ერის მრავალსაუკუნოვანი სახელმწიფოებრიობის ტრადიციებსა და საქართველოს 1921 წლის კონსტიტუციის ისტორიულ-სამართლებრივ მემკვიდრეობაზე დაყრდნობით ღვთისა დაქვეყნის წინაშე ვაცხადებთ ამ კონსტიტუციას.
საქართველოს კონსტიტუცია
აუდიო ფაილი
საქართველოს კონსტიტუცია სახელმწიფოს უზენაესი კანონია. ყველა სხვა სამართლებრივი აქტი უნდა შეესაბამებოდეს კონსტიტუციას.
სსიპ კონსტიტუციონალიზმის კვლევისა და ხელშეწყობის რეგიონალური ცენტრი და აჭარის ავტონომიური რესპუბლიკის უმაღლესი საბჭო
აჭარის ავტონომიური რესპუბლიკის უმაჭლეს საბჭოსა და სსიპ კონსტიტუციონალიზმის კვლევისა და ხელშეწყობის რეგიონალურ ცენტრს შორის, მიმდინარე წლის 8 მაისს, უმაჭლესი საბჭოს ახალი შენობის სხდომათა დარბაზში, ურთიერთთანამშრომლობის მემორანდუმი გაფორმდა.
მემორანდუმი მიზნად ისახავს:
კონსტიტუციონალიზმის პრინციპების, სახელმწიფოს ძირითადი კანონის ნორმებისადმი პატივისცემის, კანონის უზენაესობისა და კანონმორჩილების დამკვიდრების ხელშეწყობა.
საზოგადოებაში კონსტიტუციონალიზმის იდეის განმარტება და პოპულარიზაცია.
საქართველოს კონსტიტუციური ისტორიისა და პრობლემატიკის შესწავლის ხელშეწყობა.
ცენტრის საგანმანათლებლო პროექტებში მონაწილე მოსწავლე-ახალგაზრდობის, აჭარის ავტონომიური რესპუბლიკის უმაღლეს საბჭოში სტუმრობა და ინფორმაციის მიწოდება აჭარის ავტონომიური რესპუბლიკის სტატუსის, ავტონომიის მოწყობისა და ორგანიზების შესახებ.
უმაღლესი საბჭოს წევრის, ფრაქციის ან კომისიის თხოვნით დასკვნის მომზადება უმაღლესი საბჭოს მიერ ინიცირებული კანონპროექტის საქართველოს კონსტიტუციასა ან/და აჭარის ავტონომიური რესპუბლიკის კონსტიტუციასთან შესაბამისობის დადგენის მიზნით.
