23 მაისს, სსიპ კონსტიტუციონალიზმის კვლევისა და ხელშეწყობის რეგიონალურმა ცენტრმა, გერმანიის საერთაშორისო თანამშრომლობის საზოგადოების (GIZ) ფინანსური მხარდაჭერით, დაიწყო საგანმანათლებლო პროექტის ,,საქართველოს 1995 წლის 24 აგვისტოს კონსტიტუციის (საყმაწვილო,ილუსტრირებული) გავრცელება საჯარო სკოლის მოსწავლეებში“ განხორციელება.
პროექტის ფარგლებში, პირველად, ცენტრი ქ. ბათუმის ი. ჭავჭავაძის სახელობის N1 საჯარო სკოლას ესტუმრა.
მოსწავლეებს მიესალმა სსიპ კონსტიტუციონალიზმის კვლევისა და ხელშწეყობის რეგიონალურის ცენტრის ხელმძღვანელი ავთანდილ დემეტრაშვილი და აჭარის ავტონომიური რესპუბლიკის განათლების, კულტურისა და სპორტის მინისტრის პირველი მოადგილე ლამზირა ბოლქვაძე. ბატონმა ავთანდილმა ისაუბრა პროექტის მნიშვნელობაზე, მის მიზნებსა და ამოცანებზე.
,,მსგავს პროექტების განხორციელებას უდიდესი მნიშველობა აქვს ჩვენს რეგიონში. აჭარის განათლების, კულტურისა და სპორტის სამინისტროს, ცენტრის მიერ განხორციელებული, არაერთი საგანმანათლებლო პროექტი უნახავს. ჩვენ ყოველთვის დიდი სიამოვნებით გედექით მხარში და მომავალშიც ასე იქნება“, აღნიშნა ქალბატონმა ლამზირამ.
,,ჩვენი ცენტრის ერთერთი უმიშვნელოვანესი მიმართულება საგანმანათლებლო საქმიანობაა. მოსწავლეებში კანონის უზენაესობის, სახელმწიფოს ძირითადი კანონის პრინციპებისა და ნორმებისადმი პატივისცემის გაღრმავება და კანონმორჩლების დამვიდრების ხელშეწყობა, ცენტრის საქმიანობის უმთავრესი ამოცანაა“ - განაცხადა ბატონმა ავთანდილ დემეტრაშვილმა.
პროექტის ფარგლებში მოსწავლეებმა მოისმინეს ლექცია კონსტიტუციური სამართლის საკითხებზე. ბატონმა ავთანდილმა ისაუბრა საქართველოს კონსტიტუციურ ისტორიაზე.
ქ. ბთუმის ი. ჭვჭავაძის სახელობის N1 საჯარო სკოლის 140-ზე მეტ IX კლასელ მოსწავლეს, საჩუქრად გადაეცა საქართველოს 1995 წლის 24 აგვისტოს (საყმაწვილო, ილუსტრირებული) კონსტიტუცია.
ცენტრის ხელმძღვანელმა, მადლობა გადაუხადა აჭარის ავტონომიური რესპუბლიკის განათლების, კულტურისა და სპორტის სამინისტროს მხარდაჭერისათვის, ბათუმის ი.ჭვჭავაძის სახელობის N1 საჯარო სკოლის ადმინისტრაციას მასპინძლობისათვის და მოსწავლეებს ყურადღებისათვის.