23 ივნისს, ივ. ჯავახიშვილის სახელობის თბილისის სახლემწიფო უნივერსიტეტში, გაიმართა კონსტიტუციონალიზმის კვლევისა და ხელშეწყობის რეგიონალური ცენტრის, ივანე ჯავახიშვილის სახელობის თბილისის სახელმწიფო უნივერსიტეტის, გრ. რობაქიძის სახელობის უნივერსიტეტისა და თბილისის ჰუმანიტარული სასწავლო უნივერსიტეტის ერთობლივი საერთაშორისო კონფერენცია თემაზე - ,,კონტრასიგნაციის ინსტიტუტი - ევროპული გამოცდილება და ქართული პერსპექტივა“.
სამეციერო, აკადემიური წრეების, კონსტიტუციური სამართლის ქართველ სპეციალისტებთნ ერთად, კონფერენციაში მონაწილეობდნენ - უკრაინის ცენტრალური საარჩევნო კომისიის თავმჯდომარე, კიევის სახელმწიფო უნივერსიტეტის პროფესორი ვლადიმერ შაპოვალი; პროფესორი, სამართლის დოქტორი პოტსდამის უნივერსიტეტის ემირიტირებული პროფესორი ადმინისტრაციულ, კონსტიტუციურ და ევროპის სამართალში მიწის სოციალური სასამართლოს ყოფილი თავმჯდომარე დიტერ უმბახი და მკვლევარი, სამართლის დოქტორი მაგალი ბესე.
კონფერენციის მონაწილეებს მისასალმებელი სიტყვით მიმართეს, კონსტიტუციონალიზმის კვლევისა და ხელშეწყობის რეგიონალური ცენტრის ხელმძღვანელმა ავთანდილ დემეტრაშვილმა; ივანე ჯავახიშვილის სახელობის თბილისის სახელმწიფო უნივერსიტეტის რექტორმა ალექსანდრე კვიტაშვილმა და გრ. რობაქიძის სახელობის უნივერსიტეტის რექტორმა მამუკა თავხელიძე.
,,მოხარული ვართ, რომ საერთაშორისო კონფერენცია თბილისის სახელმწიფო უნივერსიტეტში ტარდება, უნივერსიტეტში, რომელმაც ისტორიულად უმნიშვნელოვანესი მისია იტვირთა ქართველი ერისა და საზოგადოების წინაშე, უნივერსიტეტში, სადაც ტრადიციულად ძლიერი იყო და არის სამართლის სკოლა“, - განაცხადა ივ. ჯავახიშვილის სახელობის თბილისის სახელმწიფო უნივერსიტეტის რექტორმა,ბატონმა ალექსანდრე კვიტაშვილმა.
კონფერენციის თემის მნიშვნელობაზე ისაუბრა კონსტიტუციონალიზმის კვლევისა დახელშეწყობის რეგინალურმა ცენტრის ხელმძღვანელმა, ბატონმა ავთანდილ დემეტრაშვილმა და მანვე აღნიშნა, რომ საკითხი აქტუალურია, რადგან 2009-2010 წლების საკონსტიტუციო რეფორმისას განხორციელებული ცვლილებებით, 2013 წლიდან საქართველოში პირველად ამოქმედდება კონტრასიგნაციის ინსტიტუტი.
სამეცნიერო-კვლევითი საქმიანობის სფეროში უმაღლეს სასწავლებელთა შორის მჭიდრო თანამშრომლობის შესახებ ისაუბრა გრ. რობაქიძის სახელობის უნივერსიტეტის რექტორმა, ბატონმა მამუკა თავხელიძემ.
საერთაშორისო კონფერენციაზე მოხსენებები წაიკითხეს:
• უკრაინის ცენტრალური საარჩევნო კომისიის თავმჯდომარემ, კიევის სახელმწიფო უნივერსიტეტის პროფესორმა - ვლადიმერ       შაპოვალმა - თემაზე ,, კონტრასიგნაციის ინსტიტუტი უკრაინასა და ყოფილ საბჭოთა კავშირის ქვეყნებში“ 
• პროფესორმა, სამართლის დოქტორმა პოტსდამის უნივერსიტეტის ემირიტირებულმა პროფესორმა ადმინისტრაციულ,    კონსტიტუციურ და ევროპის სამართალში -დიტერ უმბახმა -თემაზე: ,,კონტრასიგნაციის ინსტიტუტის ცნება, მნიშვნელობა და  ისტორია გერმანულ და ევროპულ კონსტიტუციურ რეალობაში“.
• ბიარიცის უნივერსიტეტის მკვლევარმა - მაგალი ბესემ - თემაზე ,, კონტრასიგნაციის ინსტიტუტი ფრანგულ    კანონმდებლობაში“.
• თსუ- ს იურიდილი ფაკულტეტის ასისტენტ პროფესორმა, კონსტიტუციონალიზმის კვლევისა და ხელშეწყობის რეგიონალური  ცენტრის საერთასორისო ურთიერთობებისა და სამეცნიერო კვლევების დეპარტამენტის დირექტორმა - ზურაბ მაჭარაძემ -  თემაზე: ,,კონტრასიგნაციის ინსტიტუტი ქართულ კანონმდებლობაში“.
 მოხსენებათა შორის გაიმართა დისკუსიები.