საზაფხულო სკოლა ,,კონსტიტუციონალიზმის გაკვეთილების“  მეორე ეტაპი დასრულდა. 21 აგვისტოს, მეორე ჯგუფის, სოციალურად დაუცველმა, ოკუპირებული ტერიტორიებიდან დევნილმა და ეროვნული უმცირესობის წარმომადგენელმა IX კლასელმა მოსწავლეებმა დატოვეს ქალაქი ბათუმი.
პროექტის ფარგლებში, მოსწავლეებმა დაათვალიერეს კონსტიტუციონალიზმის დარბაზი, მოისმინეს ლექციები კონსტიტუციონალიზმის საფუძვლების, სისხლის, სამოქალაქო, ადმინისტრაციული სამართლის პრინციპების შესახებ. შეავსეს თემატური ტესტები, მონაწილეობა მიიღეს დებატებსა და დისკუსიებში. 
პროექტის მონაწილეებმა ნახეს კონსტიტუციონალიზმის კვლევისა და ხელშეწყობის რეგიონალური ცენტრის მიერ მომზადებულ სასწავლო-შემეცნებით ფილმი ,,კანონთა კანონი“, რომელიც მაყურებელს უამბობს მსოფლიოს სხვადასხვა სახელმწიფოებში კონსტიტუციური პროცესის განვითარების შესახებ და იმსჯელეს ფილმში მოთხრობილი ფაქტების ირგვლივ.
პროექტის ფარგლებში, მოსწავლეებმა, ასევე დაათვალიერეს აჭარის ავტონომიური რესპუბლიკის ღირშესანიშნაობები, გონიოს ციხეს, ბათუმის ბულვარი და მოისმენეს ლექცია თემაზე - აჭარის ისტორია.      
 საზაფხულო სკოლის მონაწილეებს გადაეცათ სამახსოვრო საჩუქრები ცენტრის სიმბოლიკით, პროექტში მონაწილეობის დამადასტურებელი სერთიფიკატები და საქართველოს 1995 წლის 24 აგვისტოს საყმაწვილო ილუსტრირებული  კონსტიტუცია. ტესტირებების შედეგად გამოვლენილ სამ საუკეთესო მოსწავლეს, ასევე გადაეცათ დიპლომები და მედალიონები. გამარჯვებული მოსწავლეები ოქტომბრის დასაწყისში გაემგზავრებიან ახალგაზრდულ ბანაკში ,,პატრიოტი“.
  პროექტის მიზანია:

• სხვადასხვა სოციალური და ეთნიკური ჯგუფების მოსწავლეებში კონსტიტუციონალიზმის პრინციპების დამკვიდრება, სამართლებრივი კულტურის ამაღლება, საჯარო სამართლის სფეროში სწავლის გაგრძელებისა და ცოდნის დაუფლების სურვილის  გაღვივება და სტიმულირება.
• კანონის უზენაესობის, სახელმწიფოს ძირითადი კანონის პრინციპებისა და ნორმებისადმი პატივისცემის, კანონმორჩილების დამკვიდრების ხელშეწყობა;
• მოსწავლეთათვის თავისუფლების კონსტიტუციური იდეის ახსნა-განმარტება, თავისუფალი აზროვნების განვითარების, ლიბერალური დემოკრატიის, როგორც ღირებულებათა სისტემის დამკვიდრების  ხელშეწყობა.
• უცხო გარემოში ქცევისა და ერთმანეთთან ურთიერთობის უნარ-ჩვევების გამომუშავება.
• სხვადასხვა სოციალური და ეთნიკური ჯგუფების წარმომადგენელთა ინტეგრაცია.