ჩვენ, საქართველოს მოქალაქენი, რომელთა ურყევი ნებაა, დავამკვიდროთ დემოკრატიული საზოგადოებრივი წესწყობილება, ეკონომიკური თავისუფლება, სოციალური და სამართლებრივი სახელმწიფო, უზრუნველვყოთ ადამიანის საყოველთაოდ აღიარებული უფლებანი და თავისუფლებანი, განვამტკიცოთ სახელმწიფოებრივი დამოუკიდებლობა და სხვა ხალხებთან მშვიდობიანი ურთიერთობა, ქართველი ერის მრავალსაუკუნოვანი სახელმწიფოებრიობის ტრადიციებსა და საქართველოს 1921 წლის კონსტიტუციის ისტორიულ-სამართლებრივ მემკვიდრეობაზე დაყრდნობით ღვთისა დაქვეყნის წინაშე ვაცხადებთ ამ კონსტიტუციას.
საქართველოს კონსტიტუცია
აუდიო ფაილი
საქართველოს კონსტიტუცია სახელმწიფოს უზენაესი კანონია. ყველა სხვა სამართლებრივი აქტი უნდა შეესაბამებოდეს კონსტიტუციას.
15 იანვარს USAID-ის (ამერიკის შეერთებული შტატების საერთაშორისო განვითარების სააგენტო) ინიციატივით გაიმართა კონსტიტუციონალიზმის კვლევისა და ხელშეწყობის რეგიონალური ცენტრის ხელმძღვანელის ავთანდილ დემეტრაშვილისა და კონსტიტუციონალისტის ირაკლი კობახიძის შეხვედრა საქართველოში ამერიკის შეერთებული შტატების დიპლომატიური კორპუსის წარმომადგენლებთან. შეხვედრაზე ისაუბრეს საქართველოს საკონსტიტუციო სისტემაზე, კერძოდ საქართველოს კონსტიტუციის, როგორც მოქმედი ისე იმ ახალი რედაქციის შესახებ, რომელიც ძალაში შევა 2013 წლის მორიგი საპრეზიდენტო არჩევნების შემდეგ. ამერიკული მხარე დაინტერესდა იმ შესაძლო რისკებით, რომლებიც შეიძლება წარმოიშვას ხელისუფლების განშტოებათა ურთიერთობებში და რამაც თავის მხვრივ შესაძლოა გამოიწვიოს პოლიტიკური კრიზისი.
