ჩვენ, საქართველოს მოქალაქენი, რომელთა ურყევი ნებაა, დავამკვიდროთ დემოკრატიული საზოგადოებრივი წესწყობილება, ეკონომიკური თავისუფლება, სოციალური და სამართლებრივი სახელმწიფო, უზრუნველვყოთ ადამიანის საყოველთაოდ აღიარებული უფლებანი და თავისუფლებანი, განვამტკიცოთ სახელმწიფოებრივი დამოუკიდებლობა და სხვა ხალხებთან მშვიდობიანი ურთიერთობა, ქართველი ერის მრავალსაუკუნოვანი სახელმწიფოებრიობის ტრადიციებსა და საქართველოს 1921 წლის კონსტიტუციის ისტორიულ-სამართლებრივ მემკვიდრეობაზე დაყრდნობით ღვთისა დაქვეყნის წინაშე ვაცხადებთ ამ კონსტიტუციას.
საქართველოს კონსტიტუცია
აუდიო ფაილი
საქართველოს კონსტიტუცია სახელმწიფოს უზენაესი კანონია. ყველა სხვა სამართლებრივი აქტი უნდა შეესაბამებოდეს კონსტიტუციას.
21 თებერვალს კონსტიტუციონალიზმის კვლევისა და ხელშეწყობის რეგიონალური ცენტრისა და საქართველოს ადვოკატთა პროფესიული განვითარების ცენტრის ორგანიზებით გაიმართა კონფერენცია თემაზე -კონსტიტუციით გარანტირებული ადამიანის ძირითად უფლებები და ახალი სისხლის სამართლის საპროცესო კოდექსის ძირითადი დებულებები. კონსტიტუციონალიზმის კვლევისა და ხელშეწყობის რეგიონალური ცენტრის ხელმძღვანელმა ავთანდილ დემეტრაშვილმა დამსწრე საზოგადოებას მიულოცა საქართველოს 1921 წლის 21 თებერვლის კონსტიტუციის მიღების 90 წლისთავის საიუბილეო თარიღი. ავთანდილ დემეტრაშვილმა კონფერენციაზე წარმოადგინა ვრცელი მოხსენება – კონსტიტუციონალიზმის ძირითადი პრინციპები. თემაზე – ახალი სისხლის სამართლის საპროცესო კოდექსის ძირითადი დებულებები მოხსენებით წარსდგა ამერიკის შეერთებული შტატების იურისტთა ასოციაციის ლიცენზირებული ექსპერტი სისხლის სამართალში, ადვოკატთა პროფესიული განვითარების ცენტრის სამეურვეო საბჭოს წევრი გიორგი ტურაზაშვილი. თავის მხრივ, საქართველოს ადვოკატთა პროფესიული განვითარების ცენტრის აღმასრულებელმა დირექტორმა ირაკლი ყანდაშვილმა ხაზგასმით აღნიშნა კონფერენციისა და მასზე განხილული საკითხების მნიშვნელობა. კონფერენცია ჩატარდა კონსტიტუციონალიზმის კვლევისა და ხელშეწყობის რეგიონალურ ცენტრისა და საქართველოს ადვოკატთა პროფესიული განვითარების ცენტრს შორის 20011 წლის 6 იანვარს გაფორმებული უეთიერთთანამშრომლობის მემორანდუმის ფარგლებში. ბატონებმა ავთანდილ დემეტრაშვილმა და ირაკლი ყანდაშვილმა განაცხადეს, რომ თანამშრომლობა მომავალშიც გაგრძელდება.
21 თებერვალს კონსტიტუციონალიზმის კვლევისა და ხელშეწყობის რეგიონალური ცენტრისა და საქართველოს ადვოკატთა პროფესიული განვითარების ცენტრის ორგანიზებით გაიმართა კონფერენცია თემაზე -კონსტიტუციით გარანტირებული ადამიანის ძირითად უფლებები და ახალი სისხლის სამართლის საპროცესო კოდექსის ძირითადი დებულებები.
