1 მაისს, კვირას ქ. თბილისის №165-ე საჯარო სკოლის მოსწავლეებმა, რომლებიც კონსტიტუციონალიზმის კვლევისა და ხელშეწყობის რეგიონალური ცენტრის საგანმანათლებლო პროექტის ,,კონსტიტუციონალიზმის გაკვეთილები“ ფარგლებში ბათუმში იმყოფებოდნენ  დაათვალიერეს აჭარის ავტონომიური რესპუბლიკის ღირსშესანიშნაობები. კერძოდ, ბათუმის ბოტანიკური ბაღი, ეთნოგრაფიული მუზეუმი, გონიოს ციხე, ძველი ბათუმი, სარფის სასაზღვრო გამშვები პუნქტი. მოსწავლეებმა გაისეირნეს ბულვარში.
ქ. თბილისის №122-ე საჯარო სკოლის მოსწავლეები, რომელთაც აჭარის ავტონომიური რესპუბლიკის ღირსშესანიშნაობათა დათვალიერების შესაძლებლობა 30 აპრილს მიეცათ, 1 მაისს კონსტიტუციონალიზმის კვლევისა და ხელშეწყობის რეგიონალურ ცენტრს ესტუმრნენ.
№122-ე საჯარო სკოლის მოსწავლეებმა დაათვალიერეს კონსტიტუციონალიზმის დარბაზი, შეავსეს კონკურსით ,,კონსტიტუციონალიზმის გაკვეთილები“ გათვალისწინებული თემატური ტესტები. მოგვიანებით მონაწილეობა მიიღეს არასამთავრობო ორგანიზაცია საქართველოს ახალგაზრდა იურისტთა ასოციაციის მიერ ორგანიზებულ იმიტირებულ სასამართლო პროცესებში.
პროექტში მონაწილეებს გადაეცათ სამახსოვრო სერთიფიკატები, კალმები, მაისურები და კეპები კონსტიტუციონალიზმის კვლევისა და ხელშეწყობის რეგიონალური ცენტრის ემბლემით.
დღის ბოლოს გამოვლინდა კონკურსში გამარჯვებული სამი საუკეთესო მოსწავლე.

I ადგილი

გიორგი კაიშაური

II ადგილი

ანი კახელიძე

III ადგილი

ანი ჭარბაძე