დასრულდა საერთაშორისო სტუდენტური ოლიმპიადა

დასრულდა  საერთაშორისო სტუდენტური ოლიმპიადა, რომელიც კონსტიტუციონალიზმის კვლევისა და ხელშეწყობის რეგიონალური ცენტრის
ინიციატივითა  და გერმანიის საერთაშორისო თანამშრომლობის საზოგადოების (GIZ) ფინანსური მხარდაჭერით მიმდინარეობდა.
პროექტის ფარგლებში ცენტრს სტუმრობდნენ: სომხეთის, რუსეთის, უკრაინის, აზერბაიჯანის, თურქეთისა და საქართველოს  უმაღლესი სასწავლებლების სტუდენტები.
ფინალურ ეტაპს, წინ უსწრებდა, ოლიმპიადაში მონაწილე სახელმწიფოებში, შიდა საუნივერსიტეტო და რესპუბლიკური ტურები.
ყოველი სახელმწიფო წარმოდგენილი იყო  სამი სტუდენტითა და ერთი კოორდინატორით.    
20-21 ოქტომბერს, ფინალური ეტაპის ყოველი მონაწილე,
ნაშრომის პრეზენტაციით, წარსდგა  კვალიფიციური ჟიურის წინაშე.
საერთაშორისო სტუდენტური ოლიმპიადის დებულების თანახმად, ჟიურის წევრებმა,  ყოველი სახელმწიფოდან  წარმოდგენილი სამეულიდან  გამოავლინა ერთი გამარჯვებული.
საქართველოდან წარმოდგენილი ნაშრომებისა და პრეზენტაციების განხილვისას აზრთა სხვადასხვაობის გამო გამოვლინდა ორი გამარჯვებული.
ოლიმპიადაში მონაწილე სტუდენტებს გადაეცათ  სერთიფიკატები და სამახსოვრო საჩუქრები სსიპ კონსტიტუციონალიზმის კვლევისა და ხელშეწყობის რეგიონალური ცენტრის ხელმძღვანელის,
ბატონი ავთანდილ დემეტრაშვილისაგან.  ხოლო გამარჯვებულ სტუდენტებს, დიპლომებთან ერთად, სხვადასხვა ნომინაციების მიხედვით დაწესებული პრიზები.    
ქ. ბათუმის მერმა, ჯემალ ანანიძემ, ოლიმპიადაში მონაწილე სტუდენტებს  საჩუქრად გადასცა წიგნი-ალბომი ,,ბათუმი”, რომელშიც ქ. ბათუმის ღირშესანიშნაობებია ასახული.
აჭარის განათლების, კულტურისა და სპორტის მინისტრმა, ბატონმა გია აბულაძემ ერთ-ერთ გამარჯვებულს მაღალპოლიგრაფიულ დონეზე გამოცემული - ,,ვეფხისტყაოსანი” გადასცა.
გრიგოლ რობაქიძის სახელობის უნივერსიტეტის სრულმა პროფესორმა, ბატონმა ლევან იზორიამ, უნივერსიტეტის სახელით,
ოლიმპიადაში გამარჯვებულ სტუდენტებს გადასცა პორტატული კომპიუტერი და ამავე უნივერსიტეტის მიერ გამოცემული კრებული ,,ფედერალისტების ჩანაწერები”.