29 ოქტომბერს კონსტიტუციონალიზმის კვლევისა და ხელშეწყობის რეგიონალურმა ცენტრმა, საგანმანათლებლო პროექტის ,,კონსტიტუციონალიზმის გაკვეთილები“ ფარგლებში, ქ. ხობისა და ზუგდიდის საჯარო  სკოლის მოსწავლეებს უმასპინძლა.
მოსწავლეებს მიესალმა კონსტიტუციონალიზმის კვლევისა და ხელშეწყობის რეგიონალური ცენტრის სამოქალაქო განათლებისა და საზოგადოებასთან ურთიერთობის დეპარტამენტის კონსტიტუციონალიზმის დარბაზის განყოფილების უფროსი, ქლაბატონი ლალი ტაკიძე, რომელმაც პროექტის მნიშვნელობის, მიზნებისა და ამოცანების თაობაზე ისაუბრა.
პროექტის ფარგლებში მოსწავლეებმა ნახეს, სპეციალურად მათთვის მომზადებული, 35 წუთიანი ფილმი ,,კანონთა კანონი“, სადაც მოთხრობილია მსოფლიოსა და საქართველოს  კონსტიტუციის განვითარების ისტორია.
მსოფლიოში კონსტიტუციონალიზმის განვითარების ამსახველი ექსპოზიციის დათვალიერებისა და ინფორმაციის მიღების შემდეგ, მოსწავლეებმა შეავსეს კონკურსით ,,კონსტიტუციონალიზმის გაკვეთილები“ გათვალისწინებული თემატური ტესტები, რომლის შედეგების გათვალისწინებით გამოვლინდა სამი გამარჯვებული.

I ადგილი

ბაქარ ნადირაია

II ადგილი	III ადგილი
გვანცა გაბუნია	მარიამ ქაჯაია

სტუმრებს, ასევე მიეცათ შესაძლებლობა, მონაწილეობა მიეღოთ ცენტრის მიერ ორგანიზებულ ,,ინტელექტუალურ-შემეცნებით-გასართობ“ თამაშში.
30 ოქტომბერს, ხობისა და ზუგდიდის საჯარო სკოლის მოსწავლეებმა დაათვალიერეს აჭარის ღირშესანიშნაობი,   ესტუმრნენ ხარიტონ ახვლედიანის მხარეთმცოდნეობის სახელმწიფო მუზეუმს, ძმები ნობელების სახელობის მუზეუმსა და დელფინარიუმს.