ა ნ ო ნ ს ი
II საერთაშორისო სტუდენტური ოლიმპიადა ეროვნულ და შედარებით კონსტიტუციურ სამართალში 
2012 წლის 3 - 4 სექტემბერს, საქართველო, ბათუმში უმასპინძლებს II საერთაშორისო სტუდენტური ოლიმპიადის ფინალურ  ეტაპს - ეროვნულ და შედარებით კონსტიტუციურ სამართალში.
ღონისძიება, რომელიც  კონსტიტუციონალიზმის კვლევისა და ხელშეწყობის რეგიონალური ცენტრის ინიციატივითა და ორგანიზებით ტარდება, გაიხსნება 3 სექტემბერს, ორშაბათს 10:30 სასტუმრო ,,ინტურისტ პალასში“

1 სექტემბერს კონსტიტუციონალიმის კვლევისა და ხელშეწყობის რეგიონალურმა ცენტრმა, საზაფხულო სკოლაში ,,კონსტიტუციონალიზმის გაკვეთილები“  მონაწილე მოსწავლეების მესამე ჯგუფი გააცილა, რითაც დასრულდა ცენტრის ინიციატივის ,,სამოქალაქო განათლების ხელშეწყობა“  შემადგენელი ერთერთი პროექტი - საზაფხულო სკოლა ,, კონსტიტუციონალიზმის გაკვეთილები“.

23 აგვისტოს, ბათუმს ესტუმრნენ IX კლასელი მოსწავლეები ქ. თბილისის ვაკე-საბურთალოს რაიონის სოციალურად დაუცველი და კოდაში განსახლებული დევნილი მოსახლეობის ოჯახებიდან. მოსწავლეები 1 სექტემბრის ჩათვლით მონაწილეობას მიიღებენ კონსტიტუციონალიზმის კვლევისა და ხელშეწყობის რეგიონალური ცენტრის პროექტში საზაფხულო სკოლა -,,კონსტიტუციონალიზმის გაკვეთილები“.

საზაფხულო სკოლა ,,კონსტიტუციონალიზმის გაკვეთილების“  მეორე ეტაპი დასრულდა. 21 აგვისტოს, მეორე ჯგუფის, სოციალურად დაუცველმა, ოკუპირებული ტერიტორიებიდან დევნილმა და ეროვნული უმცირესობის წარმომადგენელმა IX კლასელმა მოსწავლეებმა დატოვეს ქალაქი ბათუმი. პროექტის ფარგლებში, მოსწავლეებმა დაათვალიერეს კონსტიტუციონალიზმის დარბაზი, მოისმინეს ლექციები კონსტიტუციონალიზმის საფუძვლების, სისხლის, სამოქალაქო, ადმინისტრაციული სამართლის პრინციპების შესახებ. შეავსეს თემატური ტესტები, მონაწილეობა მიიღეს დებატებსა და დისკუსიებში.